Հոդվածներ

Երևան

Լոնդոն

Վաշինգտոն

Телеканал

ՏԵսակավորել հոդվածներն ըստ: ամսաթվի | հանրաճանաչության | այցելությունների | մեկնաբանությունների | այբենական կարգի

10 կարճ փաստ գովազդի մասին | FMG

Հրապարակել է: aav в Հոդվածներ - Երք, 28 ապրիլի 2020

 

Ամեն քայլափոխի մեզ հանդիպող տարբեր տեսակի լավ կամ վատ ներկայացված, տպավորիչ կամ ձանձրալի գովազդներից միանգամայն մեկուսանալը մեր օրերում անհնար է, ուստի ահա՛ 10 հետաքրքիր փաստ գովազդի մասին, որոնք, գուցե, նորություն լինեն ձեզ համար:


1. Ամեն տարի աշխարհում գովազդի վրա ծախսվում է ավելի քան 500 մլրդ դոլար:

2. 65 տարեկանում մարդը միջինում դիտած է լինում 2 միլիոնից ավել գովազդային հոլովակ:

3. Շատ հետազոտողներ պնդում են, որ գովազդը աշխարհում գոյություն ունեցող արվեստի ճյուղերից ամենաէական ու ազդեցիկն է:

4. Պարզվում է՝ ամերիկյան դեղագործական ընկերությունները գովազդի վրա 2 անգամ ավելի գումար են ծախսում, քան՝ հետազոտությունների:

5. Որպեսզի գովազդի նկարահանման ընթացքում սառցե խորանարդները չհալվեն, դրանք պատրաստվում են ակրիլից, իսկ գովազդվող ըմպելիքների փրփուրն ստանալու համար օգտագործվում են ջրով բացված լվացող միջոցներ:

6. Սննդի գովազդի վրա աշխատանք է կատարվում սննդի ոճաբանների կողմից: Օրինակ՝ տապակած հավ պատկերելու համար նրանք նախ ձգում և թել ու ասեղով ամրացնում են կաշին, այնուհետև հավի ներսում տեղավորում թաց թղթե սրբիչներ, որոնք ՛ պահպանում են ուտելիքի ձևը, և՛ գոլորշի են արձակում: Այնուհետև եփում են միայն երեսի հատվածը՝ ներսը թողնելով հում, և պատում շագանակագույն և ոսկեգույն ներկերով:

7. Ձեռքի ժամացույցների գովազդներում սլաքները 10:10 են ցույց տալիս, որը ժպիտի իմիտացիա է և պիտի նույն էմոցիաներն առաջացնի նաև գնորդի մոտ: Կա նաև տեսակետ, որ դա արվում է, որպեսզի ժամացույցի բրենդի անունը չծածկվի:

 

10 կարճ փաստ գովազդի մասին

 

8. Երեխաները տարեկան դիտում են 40.000, այսինքն՝ օրական 100-ից ավել հեռուստագովազդ:

9. Հոգեբանների Ամերիկյան Ասոցիացիան պնդում է, որ երեխաները մինչև 8 տարեկանը ի վիճակի չեն իրատեսորեն գնահատել գովազդը և այնտեղ ներկայացված ամեն բան ընկալում են որպես ազնիվ, օբյեկտիվ և ճիշտ տեղեկատվություն:

10. Երեխաների համար նախատեսված գովազդների մեջ սովորաբար ընտրվում են թիրախային լսարանից տարիքով ավելի մեծ դերասաններ: Օրինակ՝ եթե 7 տարեկան երեխաների համար խաղալիքի գովազդ պիտի նկարահանվի, ընտրում են 10-11 տարեկան դերասանների, որոնք հոլովակի ընթացքում խաղում են այդ խաղալիքներով: Սա արվում է, որպեսզի երեխաները ձգտեն ընդօրինակել դերասանին և ցանկանան ունենալ այդ խաղալիքներից:


Գովազդներ՝ ստեղծված կրեատիվության անգերազանցելի մակարդակ ունեցող դիզայներների կողմից

Հրապարակել է: aav в Հոդվածներ - Երք, 14 ապրիլի 2020

 


Հրաշալի է, որ գովազդը դադարել է անտանելի ու ձանձրալի բան լինելուց, ու շատ մասնագետների ջանքերի շնորհիվ կան նույնիսկ գլուխգործոցի նմանվող նմուշներ: Արդյո՞ք հաճելի չէ, երբ արագ-արագ գովազդը թերթելու փոխարեն ինքներս ենք սկսում այս ուսումնասիրել, նույնիսկ փնտրում ու դիտում ենք համացանցով: Ահա դրանից է երևում գովազդի վրա աշխատած թիմի պրոֆեսիոնալիզմը, ու այսօր կներկայացնենք կրեատիվ գովազդների շարք՝ ակնկալելով, որ այն ձեզ դուր կգա:  


1.IKEA-ում վերստեղծել են «Սիմփսոնների», «Ընկերների» և «Շատ տարօրինակ գործերի» հյուրասենյակները

2.Adidas-ը ոգեշնչում է մարդկանց գրավել ցանկացած բարձունք

3.BMW՝ ավելի շատ հզորություն, ավելի քիչ ծախս

4. National Geographic Wild-ը մի նկարով ցույց է տալիս գիշատիչներին ու նրանց զոհերին

5.McDonald’s-ում վստահ են, որ իրենց Happy Meal-ը երեխաների կողմից այդքան սիրված է այն պատճառով, որ այն կարելի է ձեռքերով ուտել

6.Այսպես է LG-ն գովազդում լվացքի մեքենաները, որոնցում նուրբ ու կոշտ կտորները կարող եք լվալ միասին

7.Այս գրախանութում կան գրքեր, որոնց թակարդը կընկնեք հենց առաջին էջից

8.STIHL օդամղիչների գովազդը թերթում 

9.Սափրիչներ արտադրող Wilkinson Sword-ը ցույց է տալիս, թե ինչպես են մարդիկ դառնում անհատականություն

10.Volkswagen-ը ստիպում է վարորդներին մտածել, թե ինչ կզգա մարդը 80կմ/ժ արագությամբ ընթացող մեքենայի հարվածից հետո

 

10 հետաքրքիր փաստեր գովազդի մասին, որոնց մասին դժվար թե լսած լինեք

Հրապարակել է: aav в Հոդվածներ - Ուրբ, 10 ապրիլի 2020

10 հետաքրքիր փաստեր գովազդի մասին, որոնց մասին դժվար թե լսած լինեք

1.Բրազիլիայի Սան Պաուլո քաղաքում բացօդյա գովազդ չկա: Բաներներից ազատվելու որոշումը ընդունել է քաղաքի քաղաքապետը 2007 թ.-ին քաղաքի աղտոտման վերահսկման ծրագրի շրջանակներում:

2.Աշխարհի ամենաթանկ գովազդը նկարել է Chanel ընկերությունը: Այն արժեր 33 մլն դոլար, որից 3 մլն դոլարը ստացել է Նիկոլ Քիդմանը գովազդում նկարվելու համար:


3.Դեղագործական ընկերություններ 2 անգամ ավելի շատ գումար են ծախսում մարքեթինգի և գովազդի վրա, քան հետազոտությունների: Առևտրային շահույթի 24%-ը ծախսվում է ապրանքների խթանման, իսկ 13%-ը հետազոտության համար:
 
4.Ցանկացած ձեռքի ժամացույցի գովազդի ստեղծման ժամանակ ժամացույցի սլաքները միշտ դնում են 10:10-ի կամ 8:20-ի վրա: Առաջին հերթին դա արվում է, որպեսզի սլաքները չփակեն բրենդի անունը: Բացի այդ սլաքների այդ դասավորությունը նման է ժպիտի:
 
5.Գովազդատուների ամենամեծաքանակ խումբը սննդարդյունաբերության արտադրանքի խթանման շուկաներն են:
 
6.Առաջին գովազդային վահանակը ստեղծվել է Ամերիկայում 1900 թվականին: Հենց այդ ժամանակ ամերիկացիները որոշեցին տեղադրել վահանակներ ավտոճանապարհների և կենտրոնական փողոցների վրա:
 
7.ԱՄՆ-ի Super Bowl NFL եզրափակիչ խաղի համար ստեղծված 30-վայրկյանանոց գովազդային հոլովակը արժեր 3 մլն դոլար:
 
8.Մանկական ապրանքների գովազդում նկարվող փոքրիկ դերասանները սովորաբար տարիքով մեծ են լինում նպատակային լսարանից: Գովազդատուները մտածված են նկարահանում ավելի մեծ երեխաների, որպեսզի փոքրերը ընդօրինակեն նրանց:
 
9.Գրավոր տեսքով առաջին գովազդը համարվում է Լոնդոնում պահվող եգիպտական ծխախոտը: Ծխախոտի վրա գրված տեքստը հայտնում է ստրուկների վաճառքի մասին:
 
10.Dove ընկերության «Գեղեցկության էվոլուցիան» գովազդային հոլովակը ժամանակակից գովազդի պատմության մեջ առաջին վիրուսային սենսացիան էր, ընդամենը մեկ գիշերվա ընթացքում ավելի քան մեկ միլիոն դիտում ունեցավ:

ԸՆԴՀԱՆՈՒՐ ՊԱՏԿԵՐԱՑՈՒՄ ԳՈՎԱԶԴԻ ՄԱՍԻՆ

Հրապարակել է: aav в Հոդվածներ - Չոր, 08 ապրիլի 2020

 ԸՆԴՀԱՆՈՒՐ ՊԱՏԿԵՐԱՑՈՒՄ ԳՈՎԱԶԴԻ ՄԱՍԻՆ

Մեր օրերի ինֆորմացիոն հագեցվածության պայմաններում յուրաքանյչուր հասուն մարդուն օրեկան բաժին է ընկնում 20.000 կտոր ինֆորմացիա ավելի շատ, քան տաս տարի առաջ:
Մարդկանց համոզելու և գրավելու հնարքից (հնարքների համակարգից) գովազդը այժմ դարձել է տնտեսական հարաբերությունների կարգավորման հզոր գործոն:
Ամենալայն սահմանմամբ գովազդը ապրանքի, ծառայության, գաղափարի (այսուհետ Ա/Ծ/Գ) մասին ինֆորմացիայի ոչ անհատական, նպատակաուղղված փոխանցումն է մասսայականությանը տարբեր վճարովի միջոցների (ԶԼՄ, տրանսպորտ, ցուցանակ, ինտերնետ) օգնությամբ: Այն սովորաբար կրում է համոզիչ բնույթ և վճարվում է բացահայտ պատվիրատուի կողմից:
Չնայած, որ գովազդը օգտագործվում է Ա/Ծ/Գ խթանման միջոց, այժմ ինքնին է դարձել ՙամենաթանկ ապրանքը՚: Այն այժմ և° բիզնես է, և° արվեստ:
Գովազդային գործը իր մեջ է ներառում ամենատարբեր ոլորտների մասնագետներին (տնտեսագետ, մարկետոլոգ, հոգեբան, սոցիոլոգ, անթրոպոլօգ, դիզայներ, նկարիչ ռեժիսոր և այլն), որոնց համատեղ գործունեությամբ/ջանքերով է հնարավոր որակյալ գովազդի ստեղծումը: Այն նույնիսկ չի շրջանցել դատաիրավական համակարգը և ներկայումս այն խստորեն կարգավորվում է միջազգային, ազգային և ռեգիոնալ նորմերով:
Ժամանակակից կյանքի արագ տեմպը պահանջում է արագ կողմնորոշում մեր նախընտրանքներում: Եվ այդ ժամանակ է, երբ մեզ օգնության է գալիս գովազդըª իր ամենատարբեր ձևերով և դրսևորումնեով:
Դեռ հին ժամանակներից եկած զանգվածային հաղորդակցման այս ձևը այժմ միջամտում է մեր ամենօրյա որոշումներին և ընտրանքներին: Հաճախ մենք դժվար ենք կարողանում գիտակցել, թե ինչպես է գովազդը դառնում մեր վարքի բաղկացուցիչ մաս, թե ինչն է մեզ դրդում կատարել այս կամ այն նախընտրությունը:
Դրանում էլ հենց կայանում է գովազդի զորությունը: Քանի անգամ ենք մենք ասել արել որևէ բան և հետո նոր գիտակցել, թե կրկանում ենք որևէ գովազդ նշանաբանը կամ հումորը, և , ինչու ոչ, նաև սցենարը: Այդպես, օրինակ, ՙՄերն ուրիշ է՚ և ՙՄերն անուշ է՚ Grand Tobacco-ի և Grand Candy-ի նշանաբանները այժմ դարձել են ամեն հայի պարծանքի և հզորության դեվիզներ:
Այժմյան գովազդի նախատիպերը մինչև մեր օրերը հասել են բազմաթիվ կերպարանափոխումներով: Դարերի ընթացքում, սակայն, չի փոխվել գովազդի հիմնական առաքելությունը: Այն է մարդկանց համոզելը: Մեծ էվոլյուցիա են կատարել գովազդի միջոցները, ֆունկցիաները, ազդեցության մեխանիզմները:
Գիտատեխնիկական նվաճումները մեծ ներդրում են ունենում գովազդի ստեղծման և տարածման ասպարեզում: Եթե հին ժամանակներում որպես զանգվածներին հասնելու միջոց հանդես էին գալիս խանութների փայտե ցուցանակները և հենց իրենք մարդիկª փողոցի գոռացողները, ապա այժմ գովազդ ստեղծողները լայն ընտրանի ունեն իրենց թիրախ խմբերին հասնելու միջոցներում, ինչպես նաև գովազդ ստեղծելու ամենատարբեր սարքավորումներ (աուդիո, վիդեո տեխնիկա, քոմփյութեր և այլն) օգտագործելու: Անհրաժեշտ է նշել, որ օգտագործվող սարքավորման կատարելիությունը ուղղակիորեն չի ազդում գովազդի արդյունավետության վրա:
ՙԽնձո¯ր, խնձո¯ր՚, ՙԿարկանդա¯կ, կարկանդա¯կ՚, ՙԷստի համեցեք՚...
Ահա այսպիսին էին գովազդի առաջին ժանրային ձևերը: Մ.Մ. Բախտինը գրել է.
ՙՓողոցի գոռոցները ի տարբերություն նոր ժամանակների գովազդի, չէին կրում սահմանափակ և սպեցիֆիկ բնույթ: Ամեն ապրանք ուներ իր խոսքերը, իր յուրահատուկ մեղեդին, իր ինտուիցիան, այսինքն իր խոսքային և երաժշտական պատկերը՚:
Փողոցի գոռոցները այն էմբրիոնը հանդիսացան, որից հետագայում առաջացավ ժամանակակից գովազդի բազմաճյուղ ծառը:
Գոյություն ունի այնպիսի հասկացություն ինչպիսին է գովազդի էթիկա: Այսինքն գովազդ պատրաստելու ժամանակ կան այնպիսի հնարքներ որոնց օգտագործումը նպատակահարմար չէ: Օրինակի համար վերցնենք ռադիոգովազդի ժամանակ մեքենայի կտրուկ արգելակման ժամանակ դողերի և ճանապարհի ծածկույթիª ասֆալտի շփման հետևանքով առաջացած ձայնային էֆեկտի գործածումը: Դա ուղղակիորեն կարող է առաջ բերել վարորդի շփոթեցմանը, և նրա բնական ռեակցիան կլինի այն, որ նա իսկապես մեքենան կտրուկ կարգելակի և դրա հետևանքով կարող է առաջանալ վթար:
Մի քանի տարի առաջ ինչ-որ քաղաքում կատարվել է այսպիսի մի փորձ.
Ինչպես գիտենք կինոժապավենը պտտման արագությունը կազմում է վայրկյանում 24 կադր, այսինքն 1 վայրկյանում մենք տեսնում ենք 24 կադր: Եվ ահա կինոթատրոնում ֆիլմերի ցուցադրման ժամանակ կինոյի յուրաքանչյուր 24-րդ կադրից հետո մտցվել է 25-րդ կադրը, որը պարունակել է ինչ-որ  մի ոչ այնքան հայտնի գարեջրի անվանումը: Դրանից հետո դիտարկվել է այդ գարեջրի վաճառքի կտրուկ աճ: Այս դեպքում մարդիկ կարելի է ասել, որ նույնիսկ չեն էլ տեսել գովազդը, բայց այն ազդել է նրանց ենթագիտակցության վրա: Սակայն գովազդի այս ձևի կիրառումը հետագայում արգելվեց:
Գովազդը ձեռք է բերել մի շարք նոր ֆունկցիաներ: Եթե հին ժամանակներում այն կրում էր խիստ լոկալ բնույթ և ինֆորմացիա էր հաղորդում զուտ ապրանքների և ծառայությունների իրացման կամ օգտվելու վայրի մասին, ապա 19-րդ դարի սկզբերից այն սկսեց ազդարարել նաև դրանց որակը և արժեքը: Եթե առաջներում այն միայն տեղեկացնում էր, ապա այժմ այն կատարում է ներշնչելու, հիշեցնելու, քարոզելու (մասնավորապես վերաբերում է քաղաքական գովազդին), տարբեր մասնագիտական գաղափարների տարածման և այլ ֆունկցիաներ: Քանի որ գովազդը մեր օրերում հանդիսանում է ԶԼՄ-ների հիմնական ֆինանսական միջոցը, ապա այն միջնորդավորված ձևով խթանում է խոսքի ազատությունը և ապահովում է ԶԼՄ-ների թափանցիկությունը:

ԸՆԴՀԱՆՈՒՐ ՊԱՏԿԵՐԱՑՈՒՄ ԳՈՎԱԶԴԻ ԵՎ ՄԱՐՔԵՏԻՆԳԻ ՄԱՍԻՆ

Հրապարակել է: aav в Հոդվածներ - Շբ, 04 ապրիլի 2020

 
 
 ՆԴՀԱՆՈՒՐ ՊԱՏԿԵՐԱՑՈՒՄ ԳՈՎԱԶԴԻ ԵՎ ՄԱՐՔԵՏԻՆԳԻ ՄԱՍԻՆ

Ամենալայն սահմանմամբ գովազդը ապրանքի, ծառայության, գաղափարի (այսուհետ Ա/Ծ/) մասին ինֆորմացիայի ոչ անհատական, նպատակաուղղված փոխանցումն է մասսայականությանը տարբեր վճարովի միջոցների (ԶԼՄ, տրանսպորտ, ցուցանակ, ինտերնետ) օգնությամբ: Այն սովորաբար կրում է համոզիչ բնույթ և վճարվում է բացահայտ պատվիրատուի կողմից:
Չնայած, որ գովազդը օգտագործվում է Ա/Ծ/ խթանման միջոց, այժմ ինքնին է դարձել ՙամենաթանկ ապրանքը՚: Այն այժմ և՜ բիզնես է, և՜ արվեստ:
Գովազդային գործը իր մեջ է ներառում ամենատարբեր ոլորտների մասնագետներին (տնտեսագետ, մարկետոլոգ, հոգեբան, սոցիոլոգ, անթրոպոլօգ, դիզայներ, նկարիչ ռեժիսոր և այլն), որոնց համատեղ գործունեությամբ/ջանքերով է հնարավոր որակյալ գովազդի ստեղծումը:
Մարքեթինգը  դա  արտադրանքի արտադրության և վաճառահանման կառավարման, որդեգրվող սոցիալական քաղաքականության իրացման մի այնպիսի յուրահատուկ համակարգ է, որն անընդհատ փոփոխվող շուկայի համակողմանի հետազոտման և կանխատեսման, կազմակերպությունների ներքին ու արտաքին միջավայրերի ուսումնասիրման, նրանց ռազմավարական ու մարտավարական գործունեության ծրագրերի մշակման հիման վրա կոչված է բավարարելու կոնկրետ սպառողների և ամբողջությամբ հասարակության բազմաբնույթ պահանջմունքները, միաժամանակ այդ կերպ իրականացնելով գործարարի, կազմակերպության առաքելությունը և հիմնական նպատակըª որոշակի շահույթի ստացումը կամ սոցիալական խնդիրների լուծումը:
Մարքեթինգը կոչված է նպաստելու թողարկվող և նոր արտադրանքի արտադրության առավել արդյունավետ զուգակցմանը, հիմք է դրանց արտադրության ծավալների ընդլայնման, կրճատման կամ դադարեցման մասին կառավարչական որոշումների կայացման, կազմակերպության զարգացման ռազմավարական և մարտավարական ծրագրերի մշակման և իրականացման համար:
Մարքեթինգային ռազմավարությունը տրամաբանական հաջորդայնությամբ իրականացվելիք մարքեթինգային այն միջոցառումների համախումբն է, որոնք նպատակաուղղված են կազմակերպության մարքեթինգային խնդիրների հանձնարարվող լուծումների միջոցով հիմնավորել կազմակերպության հեռանկարային զարգացման ընդհանուր ռազմավարությունըª հստակեցնելով նրա առաքելությունը, գործունեության հիմնական նպատակները, նախանշելով դրանց իրականացման հնարավոր ուղիներն ու միջոցները:

ԳՈՎԱԶԴԻ ՏԵՍԱԿՆԵՐԸ ԵՎ ՄԱՐՔԵԹՈԼՈԳԻ ԱՇԽԱՏԱՆՔՆ ԱՅԴ ՈՒՂՂՈՒԹՅՈՒՆՆԵՐՈՎ

Հրապարակել է: aav в Հոդվածներ - Ուրբ, 03 ապրիլի 2020

 ԳՈՎԱԶԴԻ ՏԵՍԱԿՆԵՐԸ ԵՎ ՄԱՐՔԵԹՈԼՈԳԻ ԱՇԽԱՏԱՆՔՆ ԱՅԴ ՈՒՂՂՈՒԹՅՈՒՆՆԵՐՈՎ

Գոյություն ունեն գովազդի դասակարգման տարբեր սկզբունքներ:
1. Ըստ թիրախ խմբերի - երբ մենք լսում ենք մի գովազդ, որը մեզ բացարձակապես չի գրավում, ապա այն մեզ ուղղված չէ: Մարդկային այն խումբը, որին ուղղված է տվյալ գովազդը կոչվում է թիրախ խումբ: Գովազդ ստեղծողները շատ լավ գիտեն, որ գովազդի արդյունավետությունը ավելի բարձր է, եթբ այն ուղղվածէ պոտենցիալ գնորդներին, այլ ոչ թե ամբողջ բնակչությանը: Հիմնական թիրախ խմբերը երկուսն են՝ սպառողական և գործարքային: Առաջինը ուղղված է վերջնական սպառողներին, մինչդեռ երկրորդի թիրախ խմբերը կարող են լինել վերավաճառողները, մեծածախ գնումներ կատարողները: Գոյություն ունի չորս գործարքային գովազդ՝ արդյունաբերական, մասնագիտական, գյուղտնտեսական և առևտրի:
Այս տեսակի մեջ  մարքեթոլոգը պետք է  ճիշտ և հստակ որոշի տվյալ գովաղդի թիրախը և համապատասխանաբար ուղղի գովազդը ըստ թիրախային խմբերի:
2. Ըստ տարածական ընդգրկման՝
ա) արտասահմանյան (օր. Կոկա-Կոլայի գովազդը կարելի է հայտնաբերել երկրագնդի ամենաբազմազան կետերում);
բ) համազգային, որն ուղղված է երկրի տարբեր մարզերի/շրջանների սպառողներին;
գ) ռեգիոնալ, որն ընգրկում է որոշակի ռեգիոն, այլ ոչ թե ամբողջ երկիրը (օր. մի որևէ անշարժ գույքի գործակալության գովազդ, որը զբաղվում է միայն Կոտայքի մարզում անշարժ գույքի առուծախով);
դ) տեղական - եթե համազգային և ռեգիոնալ գովազդը կենտրոնացված է ապրանքների և ծառայությունների առավելությունների, հատկանիշների վրա, ապա տեղական գովազդում նշվում են ապրանքների և ծառայությունների իրացման վայրը, գները և այլն:
Այստեղ մարքեթոլոգի  խնդիրն է ուսումնասիրել  տարածական բնորոշ առանձնահատկությունները  և դրանց հատուկ գովազդ բնորոշել:
3. Ըստ հաղորդակցման միջոցների - գովազդի միջոցները այն ՙվճարովի միջնորդներն՚ են, որոնց օգնությամբ հաղորդագրությունը հասցվում է լայն զանգվածներին: Այսպես, օրինակ, կարող է լինել թերթի, ռադիոյի, հեռուստատեսության, դրսի վահանակների և տրանսպորտային միջոցների գովազդ: Այս պարագայում մարքեթոլոգը պետք է  ճշգրտի, թե  հիմնկանում ինչ կոնտինգենտի համար է  տվյալ  հաղորդակցման միջոցը , և հետևաբար գովազդը  պատրաստի այդ դասակարգի հետաքրքրությունների շրջանակներում:
4. Ըստ ֆունկցիաների և նպատակների՝
ա) ապրանքային և ոչ ապրանքային - եթե գովազդվում է անմիջապես ապրանքներ և ծառայություններ , ապա այդպիսի գովազդը ապրանքային է, իսկ երբ գովազդը քարոզում է տվյալ կազմակերպության, ֆիրմայի փիլիսոփայությունը, նրա հեղինակությունը, ապա այն ոչ ապրանքային է;
բ) կոմերցիոն և ոչ կոմերցիոն – կոմերցիոն գովազդը պրոպագանդում է ապրանքներ և ծառայություններ կամ որևէ գաղափար, իսկ ոչ կոմերցիոն գովազդը ֆինանսավորում են բարեգործական, հասարակական, կրոնական և քաղաքական կազմակերպությունները:Ըստ նպատակների կարելի է առանձնացնել խթանող, տեղեկացնող, համեմատող, հիշեցնող, ներշնչող (ամենաագրեսիվ ձևը), ՙիմիջ ստեղծող՚ և պրեվենտատիվ (նպատակը մրցակիցների դիրքերի խաթարումը) գովազդներ:
Ըստ ազդման միջոցների գովազդը լինում է ռացիոնալ և էմոցիոնալ: Ռացիոնալ գովազդը տեղեկացնեւմ է, բերում է փաստարկաներ, դիմում է մարդկանց բանականությանը, մինչդեռ էմոցիոնալ գովազդը դիմում է մարդու հուզական ոլորտին, զգացմունքներին: Այն ազդում է իդեաների և պատկերացումների, գույների միջոցով: ովազդների գերակշռող մասը համատեղ ներառում է ազդման երկու միջոցները:
Գոյություն ունի ալտերնատիվ գովազդ հասկացությունը: Դա ենթադրում է այն, որ մեզ համար ամենօրյա օգտագործման առարկաների վրա կարող են լինել որևէ ֆիրմայի գովազդը: Դա ազդում է մեր ենթագիտակցության վրա և գովազդի այս ձևը համարվում է ամենաարդյունավետներից մեկը: Օրինակ լուցկիների վրա, կամ սրճարաններում սեղանի սրփրոցների և հովանոցների վրա Կոկա-Կոլայի գովազդը, որը մենք կարող ենք գիտակցորեն չնկատել բայց մեր ենթագիտակցության մեջ այն տպավորվում է:

Գովազդ | ընդհանուր հասկացությունները

Հրապարակել է: aav в Հոդվածներ - Չոր, 01 ապրիլի 2020


Գովազդ, մարքեթինգային հաղորդակցության ուղղվածություն, որի շրջանակներում իրականացվում է ինֆորմացիայի տարածում գովազդվող օբյեկտի նկատմամբ ուշադրություն գրավելու, հետաքրքրություն ստեղծելու կամ պահպանելու նպատակով

Պատմություն
Համարվում է, որ գովազդը մարդկային հասարակության մեջ ի հայտ է եկել առևտրի հետ միաժամանակ: Նախապատմական ժամանակաշրջաններում դրա գոյությունը հաստատվում է, օրինակ` եգիպտական պապիրուսների վրա ստրուկների վաճառքի մասին հայտարարություններով: Այդ ժամանակներում գովազդը ներկայացվում էր գրավոր կամ բանավոր հայտարարությունների տեսքով, որոնցում գովաբանվում էին որոշակի ապրանքներ կամ ծառայություններ: Բանավոր գովազդը տարածվել է գնորդներին կանչող տարբեր մարդկանց կողմից, իսկ գրավոր գովազդը` պապիրուսների, մոմե տախտակների, քարերի և շինությունների վրայի գրությունների միջոցով:
Գովազդը մեծ տարածում ստացավ զանգվածային հաղորդակցության դարաշրջանում: Դրանում մեծ դեր ունեցավ տպագրության զարգացումը: Գովազդային գործի նախաձեռնողներից են ֆրանսիացի բժիշկ և լրագրող Թեոֆրաստ Ռենոդոն, ով առաջինն սկսեց մամուլում հրատարակել մասնավոր հայտարարություններ, և անգլիացիՈւիլյամ Թեյլորը, ում «Tayler & Newton» ընկերությունը հանդես էր գալիս որպես միջնորդ գովազդատուի և տպարանի միջև:
Առաջին գովազդային գործակալությունը ստեղծել է Վոլնա Պալմերը 1842 թվականին ԱՄՆ-ում:
Գովազդի տարածմանը նպաստող մեկ այլ հանգամանք էր 19-րդ դարի կեսերին լուսանկարչության ստեղծումը և զարգացումը: Լուսանկարը հանդիսանում էր գովազդվող արտադրանքի առավելությունների անհերքելի ապացույց: Սակայն համաշխարհային գովազդային բիզնեսում էական փոփոխությունների ժամանակաշրջան է համարվում 20-րդ դարը, քանի որ հենց այդ ժամանակ գովազդի կազմակերպման և տեխնոլոգիաների ոլորտում տեղի ունեցան կտրուկ փոփոխություններ: 20-րդ դարում գովազդը դարձավ զանգվածային ի շնորհիվ համաշխարհային արդյունաբերական արտադրության զարգացման, ինչպես նաև գովազդի ստեղծման և տարածման ավելի կատարյալ միջոցների`պոլիգրաֆիայի, անալոգային և թվային ռադիոյի, թվային հեռուստատեսության, արբանյակային կապի, համակարգիչների և համացանցի: Հետ չմնալով գիտատեխնիկական առաջընթացի տեմպերից` գովազդը աստիճանաբար դառնում է ավելի կատարյալ և որակյալ:
Գործառույթներ
Ըստ Ուիլյամ Ուելսի` գովազդն իրականացնում է վեց հիմնական գործառույթ.
1. ապրանքների և բրենդների վերաբերյալ հանրության իրազեկվածության բարձրացում,
2. ապրանքի իմիջի ձևավորում,
3. մարդկանց համոզում ձեռք բերելու ապրանքը,
4. արտադրանքի նկատմամբ պահանջարկի խթանում,
5. ապրանքը ձեռք բերելու անհրաժեշտության գիտակցման ձևավորում,
6. գնումների նախկին փորձի ամրապնդում:
 
Նշանակություն ժամանակակից հասարակության կյանքում
- տնտեսական (շահույթի ձեռքբերում),
- սոցիալական (հասարակայնորեն նշանակալի նպատակների իրականացում),
- քաղաքական (հանրությանը ղեկավարելու համակարգի օրինապահության ձևավորում),
- գաղափարական (անձի աշխարհայացքի ձևավորում և զարգացում),
- հոգեբանական (ներգործություն գնորդի ցանկությունների և երազանքների վրա),
- կրթական (կյանքի տարբեր ոլորտների վերաբերյալ ինֆորմացիայի ստացում),
- գեղագիտական (մշակութային) - շատ գովազդներում ընտրվում են բարձրաճաշակ գույներ, երաժշտություն, ինչը դրական է անդրադառնում դիտողի վրա:
Տեսակներ
Ըստ նպատակի
- Առևտրային (տնտեսական) գովազդի նպատակը հանդիսանում է (հավանական) գնորդը, ում առաջարկելով ապրանքը` կարելի է ստանալ շահույթ:
- Սոցիալական գովազդ, որը դուրս է տնտեսական խնդիրների դաշտից և ուղղված է դեպի բարեգործական կամ հասարակայնորեն օգտակար այլ նպատակների իրականացմանը, այդ թվում` բնակչության շրջանում առողջ ապրելակերպի կարևորմանը, բնակչության անպաշտպան շերտերի պաշտպանությանը, շրջակա միջավայրի աղտոտման դեմ պայքարին: Այլ կերպ ասած` սոցիալական գովազդը նպատակ ունի օգնել մարդկանց, մասնավորապես` երեխաներին:
- Քաղաքական (նաև նախընտրական) գովազդը հանդես է գալիս որպես ընտրողների ձայնը շահելու միջոց:
Կան նաև գովազդի յուրահատուկ տեսակներ.
- Կոնտրգովազդ (ռուս.՝ Контрреклама), որը հերքում է անբարեխիղճ գովազդը:
- Հակագովազդ (ռուս.՝ Антиреклама), որը կոչված է ոչ թե բարձրացնել, այլ նվազեցնել ինչ-որ ապրանքի նկատմամբ մարդկանց հետաքրքրությունը կամ որակազրկել որոշ ապրանքներ, ապրանքանիշներ:
- «Specs spots», սրանք գովազդային տեսահոլովակներ են, որոնք նկարահանում են առանձին անհատներ, սակայն հանդիսատեսի կողմից ընկալվում են որպես պաշտոնական գովազդ:

Ըստ տեղադրման վայրի և եղանակի

Մարքեթինգային հաղորդակցության մեջ առանձնացնում են ATL և BTL բաղադրիչներ: ATL գովազդի մեջ մտնում են գովազդի ավանդական տեսակները` ԶԼՄ-ներով գովազդը, արտաքին և ներքին, պոլիգրաֆիական գովազդը: Գովազդի մնացած տարբերակները մտնում են BTL հաղորդակցման մեջ:
Գովազդ ԶԼՄ-ներով
Գովազդի առավել տարածված և ավանդական տեսակը համարվում է ԶԼՄ-ներով տարածվող գովազդը.
- հեռուստատեսային (տեսահոլովակ գովազդային բլոգում, գովազդային դադար, հաղորդագրություն վազող տողում, հեռուստատեսային հայտարարություն), վիրտուալ գովազդ,
- ռադիոգովազդ,
- տպագիր (կարող է լինել մամուլում կամ այլ տեսքով` թերթիկներ, կպչուն թղթեր, այցեքարտեր),
- համացանցային գովազդ:
Արտաքին (outdoor-գովազդ)
Այն տեղակայվում է բաց տարածությունում գտնվող հատուկ ժամանակավոր և/կամ մշտական կառույցների վրա, ինչպես նաև շինությունների արտաքին մակերեսներին, փողոցային սարքավորումների, մայթերի վրա, ավտոլցակայաններում:
Արտաքին գովազդը կարող է տեղադրվել ինչպես փողոցում, այնպես էլ տրանսպորտի տարբեր տեսակների վրա:
Ներքին (Indoor-գովազդ)
Ներքին գովազդը տեղադրվում է հաստատությունների ներսում, մասնավորապես առևտրի կենտրոններում, օդանավակայաններում, կայարաններում, կինոթատրոններում, բիզնես կենտրոններում, մուտքերում, վերելակներում, սպորտի և ժամանցի վայրերում, կրթական և բժշկական հաստատություններում և այլ վայրերում:
Գովազդային արդյունաբերություն
Ներկայումս գովազդի զարգացումը հանգեցրել է նրան, որ գովազդային գործունեությունը վերափոխվել է սոցիալական յուրահատուկ ինստիտուտի, որը գովազդային ծառայությունների միջոցով ապահովում է հանրային պահանջմունքը: Այդ ինստիտուտի արտադրական հիմքը կազմում է գործունեությունների համալիրը, որն ընդունված է անվանել «գովազդային արդյունաբերություն»[9]: Այդ հասկացությունն ի հայտ է եկել ժամանակակից տնտեսագիտության մեջ` պայմանավորված գովազդային գործունեության` զանգվածային բնույթ ձեռք բերելով: Գովազդային գործունեության պլանաչափ իրականացումը, գովազդային շուկայի սուբյեկտների և տնտեսության տարբեր բաժինների համակարգային փոխգործունեությունը, գովազդային արտադրանքներ ստեղծող ընկերությունների առկայությունը թույլ են տալիս առաջ քաշել այն միտքը, որ գովազդային գործունեությունը ձեռք է բերել արդյունաբերական հատկանիշներ:
Կարգավորում
Գովազդում անխուսափելիորեն բախվում են տարատեսակ ֆինանսական և քաղաքական շահեր: Գնորդը ձգտում է հասնել գովազդների քանակի նվազեցմանը, իսկ գովազդատուն, ընդհակառակը, ձգտում է ոչ միայն ընդլայնել գովազդի քանակը, այլև մեծացնել լսարանը: Հնարավոր են նաև փոխզիջումային տարբերակներ[10]:
Հանրության հետաքրքրությունները, ընդհանուր առմամբ, պահանջում են սպառողին հեռու պահել կեղծ և ոչ հավաստի գովազդից: Միաժամանակ այդ նույն հետաքրքրությունները թելադրում են խթանել վաճառքը, որի հիմնական միջոցը համարվում է գովազդը: Այդ շահերի հակասությունը պահանջում է խնդրի մանրամասն վերլուծություն և կարգավորում: Գովազդային օրենսդրությունը բոլոր երկրներում ուղղված է վերոնշյալ հետաքրքրությունների փոխզիջմանը:
Օրենսդրական սահմանափակումներ
Սովորաբար գովազդը սահմանափակվում է ըստ ներկայացման ծավալի, միջոցի, վայրի և ժամանակի, արգելք է դրվում կեղծ, ոչ հավաստի, էթիկապես անընդունելի, ոչ պատշաճ գովազդի վրա: Երբեմն գովազդ արտադրողների և տարածողների գործունեությունը լիցենզավորվում է:
Առանձին ապրանքների գովազդ
Շատ երկրներում օրենսդրությունն արգելում է առանձին ապրանքների (ալկոհոլային խմիչքներ, ծխախոտ) գովազդը առանց այն գրության նախազգուշացման, որ տվյալ ապրանքները վնասակար են առողջության համար:
Թաքնված գովազդ
Թաքնված է համարվում այն գովազդը, որը չի նշվում որպես այդպիսին, տեղադրվում է տեղեկատվական, խմբագրական կամ հեղինակային նյութի տեսքով, պարունակում էսպամ կամ այլ ոչ գովազդային տեղեկատվություն: Լայն տարածում ունի թաքնված գովազդի տեխնոլոգիան, որը ներգործում է ենթագիտակցական մակարդակում (25-րդ կադր և այլ տարբերակներ):
Շատ երկրներում թաքնված գովազդը արգելված է, սակայն դրա սահմանումը բարդ է, և պատժի պրակտիկան հայտնի չէ:

Փաստարկներ
Կողմ
Որպես ամբողջական մարքեթինգային հաղորդակցության մաս` ընդլայնում է ձեռնարկության արդյունավետությունը:Գովազդը, որպես մարքեթինգային համալիրի բաղադրիչ, կարող է օժանդակել զանգվածային սպառմանը, որն իր հերթին զանգվածային արտադրության պարտադիր պայման է հանդիսանում: Շարունակական և անդադար զանգվածային արտադրությունը նվազեցնում է արտադրական միավորի ինքնարժեքը, ինչը, վերջին հաշվով, ապահովում է սպառողական ավելի ցածր գներ: Այդ կերպ գովազդը հանդես է գալիս որպես գնային մակարդակի նվազեցման անհրաժեշտ գործոն[11]:
Հնարավոր է դառնում ստանալ հետադարձ կապ կողմնորոշվածությունից դեպի վաճառքի համապատասխան բաժին` հասնելով բիզնեսի անընդհատության և եկամտաբերության:

Լինելով ամբողջական մարքեթինգային հաղորդակցության բաղադրիչ` գովազդը նպաստում է ժամանակակից տեխնոլոգիաների զարգացմանը, տեխնոլոգիական առաջընթացին, նպաստում գովազդվող արտադրանքի պահանջարկի բարձրացմանը` այդ կերպ խթանելով տնտեսական աճը, ձեռնարկատիրական ակտիվությունը և բարձրացնելով կենսամակարդակը:
Դեմ
Էթիկական և իրավական տեսանկյունից.Գովազդը սպառողին պարտադրում է այնպիսի ապրանքներ և ծառայություններ, որոնց կարիքը չկա:
Պարտադրում է արժեքներ, որոնք ուղղված են գովազդվող ապրանքի դրական գնահատմանը:
Գովազդ դիտելը սպառողի կողմից մեծ մասամբ ցանկալի և կամավոր չէ:
Ելնելով վերոնշյալ կետերից` գովազդը հանդիսանում է անձի կամքի վրա գաղտնի բռնանալու գործիք:
Որոշ դեպքերում գովազդի արդյունավետությունը ձեռք է բերվում ի հաշիվ մարդկային բնազդների ակտիվ շահագործման:
Բացասաբար է անդրադառնում անձի գիտակցության և ենթագիտակցության վրա:
Հրապարակախոս Սերգեյ Կարա-Մուրզան իր «Գիտակցության մանիպուլյացիա» (ռուս.՝ «Манипуляция сознанием») գրքում ժամանակակից գովազդը դիտարկում է որպես հասարակությանը մանիպուլյացիայի ենթարկելու առաջնային քայլ:
Տնտեսական տեսանկյունից.Շատացնում է ծախսերը (գովազդի ծախսերը ներառվում են ապրանքի գնի մեջ)` առաջացնելով սպառողական գնաճ:
Հանգեցնում է շուկայի մոնոպոլիզացիայի: Փոքր ձեռնարկությունները մեծերի համեմատ չեն կարողանում իրենց արտադրանքի համար ապահովել գովազդային օժանդակություն: Անգամ մոտեցում կա, ըստ որի`ընկերության գովազդային ակտիվության խնդիրը ոչ թե սեփական եկամտի աճն է, այլ «գովազդային պատնեշի» ստեղծումը, որը կխոչընդոտի շուկայում նոր մրցակիցների ի հայտ գալուն:

Հայաստանում գովազդի համար զանգահարել ՝ +37491 750075 
Մանրամասն քննարկումների ու վերլուծությունների արդյունքում մենք կհասկանանք՝ կոնկրետ ինչ է հարկավոր ձեր ընկերությանը, ու վստա՛հ եղեք, կտանք լավագույն լուծումները: Մեր ծառայություններին ծանոթանալու համար կարող եք զանգահարել 091 75 00 75 հեռախոսահամարով: 

Վիրուսային գովազդի 8 օրինակներ

Հրապարակել է: aav в Հոդվածներ - Երկ, 30 մարտի 2020

 
Վիրուսային գովազդի 8 օրինակներ
 

Մարքեթինգի նպատակը պարզ է` հասցնել ճիշտ ուղերձ ճիշտ լսարանի: Բայց դրա համար բրենդնեը պետք է լուծեն բարդ խնդիր` ստեղծել ուղերձ, որը կառանձնանա մրցակիցների ֆոնին:



 Entrepreneur ընկերությունը առանձնացրել է 8 մարքեթինգային արշավներ, որոնք  առաջացրել են բուռն քննարկումներ հանրությունում:

1. Gravity Blanket

2. Crock-Pot

3. CarMax

4. MoonPie

5. Halo Top

6. Procter & Gamble

8. KFC



Աշխարհի ամենաերկար գովազդը

Հրապարակել է: aav в Հոդվածներ - Երկ, 23 մարտի 2020

 
 Աշխարհի ամենաերկար գովազդը

Հաճախ մի քանի վայրկյան թվացող գովազդը հավերժություն է թվում, ուստի ընկերությունները փորձում են հնարավորինս կարճ ժամանակահատվածում ներկայացնել գովազդի ողջ իմաստը: Իսկ ահա այս ընկերությունը ընտրեց լրիվ այլ ճանապարհ՝ դասվելով աշխարհի ամենաների շարքին:


Խոսքը ղազախական ForteBank-ի նկարահանած գովազդի մասին է, որը ոչ միայն աշխարհում ամենաերկարն է, այլև հոլովակի ներսում թաքնված է 1 000 000 տենգե (մոտ 1 300 000 դրամ):  Գովազդը ձգվում է գրեթե 9 ժամ, և բանկը դրանում գովազդում է հեռախոսահամարի միջոցով դրամական փոխանցումների ծառայություն:

Նպատակը շատ հետաքրիր է. ցույց տալ, թե որքան կտևեր գումարի առձեռն փոխանցումը, եթե չլինեին դրամական փոխանցումները: Ուստի գովազդի հերոսը Ալմաթայից ուղևորվում է դեպի Շիմկենտ (մոտ 800 կմ) մեկ նպատակով՝ գումար փոխանցել իր ծանոթին: Ողջ ճանապարհորդությունը տևում է 8 ժամ 48 րոպե:

Ինչ վերաբերում է մրցանակին, հոլովակի ողջ ընթացքում էկրանին ցուցադրվում են թվեր, և դրանք բոլորը ճիշտ հերթականությամբ առաջինը նկատած անձը ստացել է հեռախոսահամար, որին «Forte, дай миллион» տեքստն առաջինն ուղարկելով՝ շահել է մրցանակը: Ափսոս, որ ի սկզբանե մրցույթը միայն Ղազաղստանի բնակիչների համար էր: Իսկ հոլովակի դիտումները շարունակում են աճել և այսօր արդեն անցնում է  602 000-ը:

Ինչպես նշում է ForteBank-ի մարքեթինգային ղեկավարը՝ նրանք որոշել էին ներկայացնել ծառայությունը՝ հիմնվելով մաքսիմալ կոնտրաստի վրա: Ըստ նրա՝ չնայած հոլովակի երկարությանը՝ մարդկանց հասավ դրա իմաստը, և այժմ նրանք էլ ավելի կցանկանան կյանքի բարդությունները հաղթահարելու ավելի պարզ միջոցներ ընտրել՝ օգտվելովFortePay-ից:

 

5 անհաջող գովազդային արշավ:

Հրապարակել է: aav в Հոդվածներ - Հնգ, 19 մարտի 2020

 

Հաճախ մասնագետները ֆիքսվում են գովազդային արշավների համար հնարավորինս օրիգինալ գաղափարներ գտնելու վրա, և հավատացե՛ք, որ դա միշտ չէ, որ բերում է լավագույն արդյունքների: Գաղափարները կարող են ինչպես մեծ ու հեռանկարային լինել, այնպես էլ անհաջող՝ ինչպիսիք ընտրել ենք այսօրվա բլոգի համար:



1. Dolce & Gabbana
Բրենդի Instagram-ի և Twitter-ի էջերում հրապարակվել էր մի գովազդային հոլովակ, որում չինուհին փորձում է իտալական ուտեստն ուտել փայտիկներով, ու դա նրա մոտ չի ստացվում: Կար այսպիսի 3 տարբեր հոլովակ, որոնցից չինացիները բավականին վիրավորվել էին՝ դրանց մեկնաբանություններում թողնելով #BoycottDolce հեշթեգը: Բրենդը հայտարարեց, որ հոլովակը նկարահանել և իրենց էջ էին բեռնել հաքերները՝ ներողություն խնդրելով բոլոր հետևորդներից:
 


2. H&M
Ինստագրամի իր պաշտոնական էջում համաշխարհային այս բրենդը հրապարակեց մի նկար, որում առաջին հայացքից ոչ մի տարօրինակ բան չկար: Եթե ուշադիր կարդաք, սևամորթ տղայի հագուստին գրված է «Ամենազիլ կապիկը ջունգլիում», ինչը հետևորդների մոտ զայրույթ էր առաջացրել, քանի որ տեղին չէր նրան այդ հագուստը տալ, իսկ սպիտակամորթին՝ «Գոյատևման փորձագետ» գրվածքովը: Կանադացի երգիչ The Weeknd-ը խզեց H&M-ի հետ իր համագործակցությունը հենց այս պատճառով: Ընկերությունը ստիպված եղավ ընդունել անհաջող գրվածք ընտրելու իր մեղքն ու հայցեց մարդկանց ներողամտությունը:
 


3. Domino's Pizza
Domino’s Pizza պիցցերիաների ցանցը ակցիա էր հայտարարել, որի շրջանակներում իրենց լոգոտիպով դաջվածք անողները կստանան անվճար պիցցայի ցմահ սերտիֆիկատ: Արդյունքում ակցիան ավարտվեց մասնակիցների մեծ քանակի պատճառով:

 


4. Estee Lauder
Ընկերության թողարկած Double Wear Nude Water Fresh Makeup SPF 25 տոնային քսուքներն ունեն 30 երանգ, ու անզեն աչքով էլ երևում է, որ գերակշիռ մասը բաց մաշկի համար է: Շատ հաճախորդներ սա համարեցին ուղղակի ակնարկ այն մասին, թե ում է ընկերությունը համարում իր հիմնական թիրախային հաճախորդ:
 


5. Heineken
Ցածր կալորիականությամբ գարեջրի համար Heineken-ը ընտրել էր «Երբեմն թեթևն ավելի լավ է» կարգախոսը, իսկ գովազդում բարմենի փոխանցած բաժակն անցնում է 3 սևամորթ տղամարդկանց դիմացով ու կանգ առնում բաց մաշկով աղջկա դիմաց: 1000-ավոր մարդիկ արձագանքներ հնչեցրին գովազդի հասցեին՝ համարելով այն ծայրահեղ ռասիստական:


 





Архив новостей

{calendar}
{vote}

Ключевые слова

{tags}

Сейчас на сайте

Мы имеем 570 гостей и 39 пользователей онлайн

Последнии коментарии

ԱՐԽԻՎ

«    հունվարի 2021    »
ԵրկերքՉորՀնգՈւրբՇբԿր
 123
45678910
11121314151617
18192021222324
25262728293031

Հիմա կայքում

Նոր առաջարկներ

Игры

Блок для информации о играх.

Фильмы

Блок для информации о фильмах.

Музыка

Блок для информации о музыке.

Изображения

Блок для информации об изображениях.

Программы

Блок для информации о софте.

Интересное

Просто блок для информации.