Երևան

Լոնդոն

Վաշինգտոն

Телеканал

Մի քանի գաղտնիք թվային մարքեթինգի մասին – Մաս 4

Հրապարակել է: aav в Լռահոս - Երկ, 30 մարտի 2020

 

Նախորդ երեք հոդվածներում մենք ներկայացրեցինք թվային մարքեթինգի ընդհանուր ՙՙպատկերը՚՚քոնթենթ մարքեթինգի ՙՙՙգաղտնիքների՚՚ և վճարովի գովազդի մասին ավելի մանրամասն: Այս հոդվածում խոսելու ենք բջջային մարքեթինգի ՙՙգաղտնիքների՚՚ մասին:

 
4. Բջջային (mobile) մարքեթինգ. շարունակ շարժման մեջ

Մեծ է հավանականությունը, որ մինչ դուք կարդում եք այս հոդվածը ձեր բջջային սարքերը՝ հեռախոսը կամ պլանշետը գտնվում են ձեր ձեռքի հեռավորության վրա: Միգուցե ձեր գրպանում են, կամ պայուսակում, ձեր սեղանին կամ էլ միգուցե նույնիսկ, հենց այդ սարքերի վրա եք կարդում այս հոդվածը և միևնույն ժամանակ որևէ այլ գործողություն եք կատարում, օրինակ արագ մեյլ եք ուղարկում: Փաստը նրանում է, որ այս փոքրիկ համակարգիչները (որովհետև, այո՛, դրանք հենց փոքրիկ համակարգիչներ են), հարթել են իրենց ճանապարհը դեպի մեր կյանքի ցանկացած ասպեկտ:


Բիզնեսների սեփականատերերին անհրաժեշտ է տեղյակ լինել բջջային մարքեթինգի յուրաքանչյուր նորույթի, որը կարող է օգնել ներգրավել իրենց հաճախորդներին ու շփում ապահովել վերջիններիս հետ, այս նոր տեսակի սարքերի և գործիքների միջոցով:


Իհարկե, մենք դեռ իրականում զանգում ու խոսում ենք մարդկանց հետ այս սարքերով, սակայն, ավելի հաճախ օգտագործում ենք դրանք տեքստային ուղերձ ուղարկելու, մեյլեր ստուգելու, համացանցում որոնում իրականացնելու և սոցցանցեր մուտք գործելու համար:


Շնորհիվ ամենուրեք հեշտ հասանելի WiFi կապի և 4G արագ ինտերնետի գոյության, մենք նաև կարողանում ենք նայել ավելի շատ պատկերներ և տեսանյութեր (և կիսել դրանք ուրիշների հետ), ընդ որում, երբ ցանկանանք: Օրինակ, երբ օգտագործում ենք հյուրանոցի WiFi-ը ֆիլմեր դիտելու համար:


Բջջային սարքերում անցկացրած ժամանակը տարեցտարի աճում է, 2012 թվականին մարդիկ բջջային սարքերում գտնվելու համար միջին հաշվով ամեն օր ծախսում էին 82 րոպե, իսկ 2019-ին արդեն 2 ժամ 55 րոպե:


Քանի որ բիզնեսները միշտ հետաքրքրված են իրենց մարքեթինգն արդյունավետ դարձնելու հարցում, բջջային մարքեթինգն այլևս այնպիսի ռազմավարություն չէ, որը կարելի է արհամարհել: Բջջայինը դարձել է այն ՙՙվայրըՙՙ, որտեղ դուք պետք է լինել, եթե ուզում եք, որ ձեզ նկատեն: Դեռ հիշո՞ւմ եք այն ժամանակները, երբ հերթում սպասելիս, ստիպված տպագիր ամսագիր էիք թերթում կամ էլ դիտում մոտակա ցուցանակները: Այժմ հերթում սպասելիս դժվար կգտնեք մեկին, ով իր հեռախոսում ինչ-որ բան չի նայում: Մենք մշտապես ՙՙկապի մեջ ենք՚՚ այժմ:


Ըստ Գուգլի, մենք նաև ուտելիս ենք մեր հեռախոսում գտնվում, նաև՝ լուսանկարում ենք մեր ուտելիքը և տարածում սոցցանցերում: Ըստ որոշ հետազոոտությունների, բջջային հեռախոսների վրա ամենաշատ իրականացվող գործողությունը լուսանկարելն է, որին հետևում է տեքստ ուղարկելը և ինտերնետին միանալը:


Մենք գնումներ կատարելիս էլ ենք բջջային սարքեր օգտագործում: Խանութում գտնվելով, երբ մի այնպիսի բան ենք տեսնում, որը մեզ հետաքրքրում է, անմիջապես հանում ենք մեր հեռախոսը և սկսում որոնել, թե որտե՞ղ կարող ենք ավելի էժան տարբերակը գտնել, միգուցե նաև կարծիքներ ենք որոնում, որ հասկանանք, արժի՞ գնել, թե ոչ, և կա՞ն արդյոք այլ տարբերակներ:


Այս ասածներից պարզ է, որ հաճախորդները շատ ավելին են իրականացնում իրենց հեռախոսների միջոցով, քան պարզապես զանգելն է: Իսկ որպես բիզնեսի սեփականատեր, ինչպե՞ս կարող եք այս փաստը արդյունավետ օգտագործել ձեր մարքեթինգում: Եկեք նայենք բջջային՝ մոբայլ մարքեթինգի մի քանի եղանակների:


Սոցցանցեր

Սոցցանցերում մենք միմյանց հետ կապ ենք հաստատում հիմնականում բջջային սարքերի օգնությամբ: Օրինակ, 2019 թ. հունվար ամսին, ողջ աշխարհում, ակտիվ օգտատերերի 96 տոկոսը սոցցանցերին միացել են բջջային սարքերով:


Նաև, երբ մտածում եք, թե ինչպես օգտագործել այս փաստը, պետք է նկատի ունենալ, որ մարդիկ տարբեր կերպ են վարվում տարբեր բջջային սարքերում գտնվելիս՝ հեռախոսի և պլանշետների վրա:


Բջջային մարքեթինգի ՙՙգաղտնիքներից՚՚ առաջինն այն է, որ Նրանք, ովքեր շփվում են հեռախոսների վրա, ավելի հավանական է, որ դրսում են՝ հերթում են սպասում կամ որևէ այլ գործով են զբաղված դրսում, երբ մի կարճ ժամանակահատված են գտել մուտք գործելու սոցցանց ու ստուգելու, թե ինչ նոր բան կա:


Սա իմանալով, ճիշտ կլինի, որ ձեր ուղերձը կարճ անեք, որպեսզի արագ ու հեշտ ընկալելի լինի, նաև օգտագործեք պատկերներ (հիշում ե՞ք, ասում են մեկ նկարը հազար բառ արժի): Նաև, որ ընկերների հետ կիսելը հեշտ լինի և մարդիկ հեշտությամբ տարածեն ձեր ուղերձը:


Դրան հակառակ, երբ հաճախորդները պլանշետի վրա են ձեր ուղերձը տեսնում, նրանք ավելի շատ ժամանակ կարող են տրամադրել և ընկալել ձեր գրածը և հետևաբար, ավելի շատ ուշադրություն պետք է դարձնեք ոչ թե հակիրճ լինելուն, այլ բովանդակությանը:


Տեքստային ուղերձներ (SMS)

Ինչպես վերևում նշվեց, լուսանկարելուց հետո, բջջային սարքերի վրա կատարվող գործողություններից, հաջորդ տեղում տեքստ ուղարկելն է: Ի տարբերություն այս հոդվածում քննարկված այլ գործողությունների, տեքստային ուղերձը (SMS, short message servise) միակն է, որը հնարավոր է իրականացնել ստանդարտ հեռախոսով նույնպես: Այդ ուղերձներն ուղարկելու կամ կարդալու համար ձեզ հարկավոր չի լինի բրաուզեր մուտք գործել կամ հավելված ներբեռնել: Դա կարելի է անել ցանկացած հեռախոսով և արագ երկկողմանի կապի միջոց է: Ամենից շատ տեքստային ուղերձներ ուղարկվում են 18-24 տարեկան ինտերնետ օգտատերերի կողմից:


Տեքստային մարքեթինգը շատ բաներով նման է էլփոստով մարքեթինգին, և եթե ճիշտ չարվի, կարող է վատնել ձեր ժամանակն ու միջոցները, և նույնիսկ վնասել ձեր բրենդին: Առաջին ՙՙգաղտնիքն՚՚ այն է, որ օգտագործեք բաժանորդագրվելու հնարավորություն որպեսզի ձեր ցուցակն աճեցնեք: Պետք չէ վերցնել ձեր հաճախորդների հեռախոսահամարներն ու լցնել դրանք ձեր բջջային մարքեթինգի համակարգ, հատկապես, երբ որոշ հաճախորդներ հնարավոր է ստիպված լինեն վճարել ձեր ուղարկած ուղերձների համար, երբ իրենք դրան չէին սպասում:


Բջջային մարքեթինգի համակարգերի մասին խոսելիս, հարկ է նշել, որ լավ կլինի օգտագործեք այնպիսի ծառայություն, որն օգնում է ուղարկելիս և բաժանորդագրվելու հարցում: Երբ դուք ձեր հաճախորդներին բաժանորդագրվելու հնարավորություն եք տալիս, դրանով դուք նրանց մոտ ստեղծում եք որոշակի ռեֆլեքս. երբ հեռախոսը զնգում է, հայտնելով, որ ուղերձ ունեն, իրենք դա ընկալում են այնպես, ինչպես եթե հարազատ մարդ գրած լինի իրենց, այնպիսի մեկը, որից իրենք համաձայն են ուղերձ ստանալ: Տեքստային ուղերձների մոտ 95 տոկոսը կարդացվում է: Համեմատեք սա էլփոստով մարքեթինգի հետ, որտեղ կարդալու տոկոսը 20-30 է: Սակայն, դարձյալ ընդգծենք, որ ամեն ինչ ճիշտ պետք է իրականացվի:


Իսկ որո՞նք են տեքստային մարքեթինգի մյուս ՙՙգաղտնիքները՚՚, ինչպես է ճիշտ դա անել: Եկեք նայենք այսպիսի մի օրինակի վրա: Ենթադրենք դուք սրճարան ունեք և ուզում եք ձեր հաճախորդներին տեղեկացնել խմիչքների և ուտելիքի համար հատուկ առաջարկների մասին, որ ունենում եք օրվա որոշակի ժամերի: Դուք ձեր սրճարանում ցուցանակ եք կպցում, որտեղ գրված է ՙՙուղարկեք JAVA կոդը 12345 համարին՝ ուտելիքի և սուրճի հատուկ զեղչերի համար՚՚: Այստեղ JAVA-ն բանալի բառ է, իսկ 12345-ը կարճ կոդ (երկուսն էլ իսկական չեն), որը ձեզ է տրամադրել ձեր բջջային ծառայությունը: Կարող եք օգտագործել MUSIC բանալի բառը, եթե ցանկանում եք տեղեկացնել, որ երաժիշտ է հյուրընկալվելու ձեր սրճարանում:


Երբ մարդիկ ուղարկում են բանալի բառը նշված համարին, ձեր բջջային մարքեթինգի հարթակը հավաքում է դրանք և պահում է դրանց ցուցակները, հնարավորություն ստեղծելով բոլորին միանգամից տեքստ ուղարկել, երբ հաջորդ անգամ առաջարկ ունենաք: Համարվում է, որ տեքստային ուղերձները հզոր գործիք են, հաշվի առնելով դրանց կարդացվելու տոկոսը: Դրանք կարող են նաև օգտագործվել որոշակի ժամերին ձեր բիզնեսն ակտիվացնելու համար: Պատկերացրեք այսպիսի օրինակ:


Ենթադրենք, ձեր սրճարանը սովորաբար ավելի դատարկ է լինում հինգշաբթի կեսօրից հետո, և դուք ցանկանում եք ակտիվացնել բիզնեսը այդ ժամերին: Հինգշաբթի առավոտյան դուք կարող եք ուղարկել հատուկ առաջարկ այն մարդկանց, ովքեր բաժանորդագրվել էին JAVA բանալի բառի միջոցով: Կարող եք գրել այսպիսի ուղերձ. ՙՙԱյսօր ժամը 2-ից 4-ը հատուկ առաջարկ՝ երկուսը մեկի գնով: Եկեք ձեր ընկերոջ հետ և սուրճ հյուրասիրեք նրան մեր հաշվին՚՚: Դա կստիպի մարդկանց գալ ձեզ մոտ այն ժամերին, երբ սովորաբար ձեզ մոտ ավելի դատարկ է լինում: Նրանք կբերեն նաև իրենց ընկերներին, ովքեր հնարավոր է նաև ինչ-որ բան գնեն ուտելու: Այս ուղերձի միջոցով, ձեզ մոտ կգան մարդիկ, ովքեր հակառակ դեպքում չէին պատրաստվում սրճարան գնալ այդ ժամերին:


Ահա ևս մի քանի եղանակ, որոնք կօգնեն ներգրավել ու կապ հաստատել հաճախորդների հետ տեքստերի միջոցով:


Հիշեցումներ. Ուղարկեք հիշեցումներ միջոցառումների և այլ հետաքրքիր իրադարձությունների ամսաթվերի մասին:


Քվեարկություններ. Ստացեք ձեր հաճախորդների կարծիքները ձեր նոր առաջարկի մասին կամ թույլ տվեք նրանց ընտրել որևէ մրցույթի հաղթողին:


Նվիրատվություններ. Հնարավորություն ստեղծեք հեշտությամբ նվիրատվություն իրականացնելու ինչ-որ բարեգործական նպատակով:


Հայտարարություններ. Ձեր հաճախորդների ուշադրությանը ներկայացրեք կարևոր հայտարարություններ, օրինակ փակ լինելու ժամերի մասին:


Բիզնես քարտեր. Կարող եք ուղարկել ձեր անձնական կոնտակտները, որպեսզի մարդիկ հեշտությամբ ավելացնեն ձեզ իրենց կոնտակտների ցուցակին:


Ուղարկեք հատուկ տեքստ, որով մարդիկ կարող են հաղթել մրցույթում. Ստեղծեք մրցույթներ և ուղարկեք նրանց հուշումներ:


QR կոդեր


 

Եղանակներից մեկը, թե ինչպես բիզնեսը կարող է օգտագործել ոչ-առցանց՝ օֆլայն միջոցը, օրինակ տպագրված բրոշյուրը, և վերածել այն օնլայն միջոցի, QR ("quick response”) կոդն է: Հնարավոր է տեսած լինեք դրանք, քառակուսի կոդեր են , որոնք նման են բարկոդի: Ի սկզբանե, ստեղծվել են ավտոմեքենաների բնագավառի համար (եթե ցանկանում էիք իմանալ, թե որտեղից է սա հայտնվել): Սակայն, այժմ դրանք ամենուրեք են օգտագործվում, քանի որ գրեթե բոլոր սմարթֆոններն ու շատ բջջային հավելվածներ կարողանում են դրանք կարդալ:


 

Հաճախորդն ուղղակի սքան է անում այդ կոդը իր հեռախոսով և այս սիմվոլում ներկառուցված տեղեկությունները կախարդական ձևով վերածվում են կոդի, որը հաղորդում է հեռախոսին, թե հաջորդ քայլում ինչ անել: Ձեզ կարող են առաջարկել դիտել բջջայինի համար սարքված վեբկայքի տարբերակը մանրամասների համար կամ էլ գրանցվել որևէ ձևաչափում: Կամ էլ անգամ կարող է առաջարկվել դիտել տեսանյութ ձեր հեռախոսի վրա:


Կարևորն այն է, որ մարքեթինգի մասնագետներին այժմ առաջարկվում են հնարավորություններ՝ վերածելու այն ինչ առաջ ստատիկ էր և սահմանափակ, ինչ-որ այլ բաների, որոնք պրակտիկորեն անսահմանափակ տարբերակներ կարող են ունենալ: Այս բնագավառը դեռ զարգացման փուլում է, բայց նույնիսկ այժմ, QR կոդը թույլ է տալիս ձեր հաճախորդին տրամադրել ավելի շատ տեղեկություններ ձեր բիզնեսի մասին, մինչ նրանք գտնվում են իրենց բջջային սարքում:


 

Գտնվելու վայրը` Location (GPS) և Check-In-ներ


Բջջային սարքերի ամենահարմար առաձնահատկություններից մեկը GPS-վայրն է՝ Location, հատկապես երբ Գուգլի քարտեզ եք օգտագործում, որպեսզի նայեք, թե ինչպես հասնեք ձեր ուզած վայրը:


Բջջային հավելվածներ կան, որոնք կարող են ուղարկել ձեր գտնվելու վայրը ձեր ցանկացած անձին, օրինակ, եթե պետք է հանդիպեք ձեր կնոջը կամ ամուսնուն և ուշանում եք տրանսպորտային խցանման պատճառով: Նրանք դա կգնահատեն:


Մարքեթինգի տեսանկյունից, ձեր գտնվելու վայրը ձեր հաճախորդի հետ կիսելը ձեզ տալիս է հնարավորություն լինել ճիշտ պահին ճիշտ տեղում: Օրինակ, դա կարող է ցույց տալ հնարավոր հաճախորդներին, որ ձեր բիզնեսի մոտակայքում են գտնվում: Կամ էլ կարող եք առաջարկել զեղչ և խրախուսել ներկայումս ձեր մրցակցի մոտ գտնվող հաճախորդին գալ ձեզ մոտ: Բջջային սարքերի օգտատերերը օգտվում են Foursquare, Facebook, Google կամ Twitter հարթակներից, որպեսզի իրենց ընկերների հետ կիսեն ոչ միայն իրենց մտքերն ու պատմությունները, այլ նաև գտնվելու վայրը:


Դրա լավ օրինակ է American Express քարտը, որը Foursquare-ի գործընկերն է: Վերջինս ամենահայտնի "check-in” հավելվածներից է, և հրաշալի է օգտագործում check-in լինելու հնարավորությունը հաճախորդների հետ կապ հաստատելու և նրանց համար հետաքրքրություն ստեղծելու համար: Օրինակ, հաճախորդները կարող են հավաքել "բեջեր” (badges) տարբեր կատեգորիաների համար՝ սրճարան, մեքսիկական ռեստորան և այլն, կարող են թեյավճար թողնել ուրիշների համար, և եթե մնացածներից ավելի շատ են հաճախում տվյալ վայրը, ապա Foursquare-ը այդ հաճախորդին նշանակում է ՙՙքաղաքապետ՚՚ տվյալ կատեգորիայի համար: Օրինակ, դուք գիտե՞ք, թե ձեր բնագավառում ՙՙքաղաքապետն՚՚ ով է:


Վերադառնալով American Express-ին. նրանք գործընկեր են Foursquare-ի հետ, որի միջոցով առաջարկում են զեղչեր, եթե քարտատերը check-in է անում իրենց բջջային սարքով որոշակի խանութներում կամ ռեստորաններում: Այս զեղչերը գումարվում են արդեն եղած զեղչին և վերը նշված ՙՙբեջերին՚՚:


Ահա ԱՄՆ-ի մի իրական օրինակ. Ենթադրենք, եթե հաճախորդը արձակուրդում է և մեկնել է Սան Դիեգո, ապա նախ, check-in լինելով ցույց է տալիս իր ընկերներին, որ գտնվում է արևոտ Սան Դիեգոյում և ընտրել է նախաճաշելու լավ վայր, և երկրորդը, եթե կարող էր վճարել Վիզա քարտով, ապա այս դեպքում, ընտրում է American Express-ով վճարումը, քանի որ այդ քարտը տրամադրում է լրացուցիչ 15 տոկոսի զեղչ:


Դրան գումարած, եթե ընտրված սրճարանում նախաճաշը լավն էր, ապա հաճախորդը կարող է կիսել տեղեկությունը իր ընկերների հետ և խրախուսել նրանց այցելել այդ վայրը: Փաստորեն, այս օրինակում, բջջային հեռախոսը օգնեց ստանալ 15 տոկոսի զեղչ, գովազդել վայրը և կրեդիտ քարտը: ԻՆչը որ, գովազդի բավականին արդյունավետ եղանակ է:


Ամենակարևոր ՙՙգաղտնիքը՚՚ բջջային մարքեթինգի մասին. չմոռանաք ձեր վեբկայքի մասին


Երբ դուք ձեր հաճախորդներին ներգրավում եք վերը նշված գործողություններից որևէ մեկում, ձեր վերջնական նպատակը նրանց ստիպելն է, որ ՙՙինչ-որ՚՚ բան անեն, որը սովորաբար գնում կատարելն է (ամենից հավանականը՝ ձեր կայքում): Դա կարող է լինել հենց գնում կատարելու գործողությունը կամ բաժանորդագրվելը կամ էլ ձեզ հետ հանդիպման գրվանցվելը և այլն: Բայց եթե դուք բջջային եղանակով ձեռք բերած հաճախորդին տանեք ոչ-բջջային կայք, ապա նրան կստիպեք, որ սկսի մեծացնել-քաշքշել էկրանը կամ թեքել այս ու այն կողմ, կամ էլ որևէ այլ ակտրոբատիկ գործողություն կատարել, որպեսզի ձեր ուզածը տեղի ունենա: Եվ եթե այդ ամենը դժվարություն ստեղծի հաճախորդի համար, ապա մեծ է հնարավորությունը, որ նա չանի այն, ինչ ուզում եք և արագ լքի ձեզ:


Դա նշանակում է, որ մեծ ուշադրություն պետք է հատկացնեք վեբ դիզայնին, երբ խոսքը գնում է մոբայլի՝ բջջային տարբերակի մասին: Դա կօգնի, որ այն հաճախորդները, ովքեր ձեր բրենդի հետ շարունակ շփվում են բջջային սարքերի միջոցով, լավ տպավորություններ և փորձառություն ստանան ձեր բրեդից:


Վերը նշված բջջային մարքեթինգի եղանակները միայն մի քանիսն են շատ այլ եղանակներից, սակայն, հուսով ենք, բավական են ներկայացնելու համար այն միտքը, որ բջջային մարքեթինգի հնարավորությունները կարող են սահմանափակվել միայն ձեր իսկ ստեղծագործ մտքի սահմաններով:

скачать шаблон для dle скачать бесплатно фильмы

Դիտումներ 26

ԱՐԽԻՎ

«    հուլիսի 2020    »
ԵրկերքՉորՀնգՈւրբՇբԿր
 12345
6789101112
13141516171819
20212223242526
2728293031 

Հիմա կայքում

Նոր առաջարկներ