Երևան

Լոնդոն

Վաշինգտոն

Телеканал

Մի քանի գաղտնիք թվային մարքեթինգի մասին – Մաս 5

Հրապարակել է: aav в Լռահոս - Չոր, 01 ապրիլի 2020

 

Նախորդ չորս հոդվածներում մենք ներկայացրեցինք թվային մարքեթինգի ընդհանուր ՙՙպատկերը՚՚, քոնթենթ մարքեթինգի ՙՙՙգաղտնիքների՚՚ , վճարովի գովազդի և բջջային մարքեթինգի մասին ավելի մանրամասն: Այս հոդվածում խոսելու ենք սոցցանցերով մարքեթինգի ՙՙգաղտնիքների՚՚ մասին: Իսկ այստեղից կարող եք ներբեռնել ամբողջական հոդվածը pdf տարբերակով:


5. Սոցցանցեր (social media). մարքեթինգ և հեղինակության կառավարում

Սոցցանցերը վաղուց արդեն դարձել են թվային մարքեթինգի հիմնական ուղղություններից մեկը: Սոցցանցերը ոչ միայն հիմնական ուղղություններից են, այլ նաև հնարավոր հաճախորդներ ձեռք բերելու և վաճառքի կարևորագույն գործիքներ են: Մտածեք, օրինակ, թե վերջին անգամ երբ եք հյուրանոց կամ ռեստորան ընտրել առանց նախօրոք ստուգելու դրանց սոցցանցերի ներկայությունը և առանց հաշվի առնելու հաճախորդների կարծիքները: Այս մասում մենք անդրադառնալու ենք դրանց օգտագործման մի քանի ՙՙգաղտնիքների՚՚:


Մենք նայելու ենք մի քանի տարբեր գործոններ, որոնց շնորհիվ դուք կկարողանաք հաջող օգտագործել ձեր սոցցանցերի ներկայությունը: Դրանք վերաբերում են ձեր մարքեթինգին և ձեր բրենդի օնլայն հեղինակության կառավարմանը:


Մարքեթինգ սոցցանցերի միջոցով


Մենք արդեն խոսել ենք բովանդակության միջոցով մարքեթինգի հնարավորությունների մասին: Իսկ եթե բովանդակության միջոցով մարքեթինգը ձեր թվային մարքեթինգի ուղղություններից է, ապա սոցցանցերը հենց այն շարժիչ ուժն են, որոնք հաջողություն են բերում այդ հարցում:


Ահա մի քանի կարևոր ՙՙգաղտնիք՚՚ հաջողության հասնելու համար.


Որակը պետք է գերակշռի քանակին. Շատ ավելի լավ է ունենալ 100 նվիրված հետևորդ, քան 1000 մարդ, ովքեր հետևել են ձեզ ինչ որ մի բան անվճար ստանալու ակնկալիքով: Եթե դուք օրը 2-3 որակյալ հետևորդի հետ կապ հաստատեք, ապա մի քանի տարում կունենաք այնպիսի հետևորդների հրաշալի ցուցակ, ովքեր ձեր բրենդին նվիրված ու հավատարիմ կլինեն:


Մի շտապեք. Եթե ցանկանում եք անմիջապես ձեռք բերել հնարավոր հաճախորդների մեծ թիվ, ապա վճարովի գովազդն է դրա լուծումը: Սակայն, եթե ցանկանում եք նվիրված հնարավոր հաճախորդների ցուցակ կառուցել, ապա դրա համար ժամանակ է պահանջվում: Դրա համար պետք է ստեղծեք լավ բովանդակություն, և մարդիկ իրենք կցանկանան ձեզ հետ լինել:


Արագ հաջողությունների հետևից մի ընկեք. Մի ակնկալեք, որ ձեր տեղադրած բովանդակությունը հանկարծ բոլորը կսկսեն նայել ու կիսել ուրիշների հետ: Այդպիսի բովանդակության մասին շատ անտեղի տեղեկություններ ու խորհուրդներ կան, սակայն, դրանք օգտակար չեն: Շատ ավելի կարևոր է, որ ձեր տեղադրած նյութը որակյալ լինի և ձեր լսարանի համար արժեք ներկայացնի: Այդ դեպքում, այդ նյութը որոնման համակարգերի կողմից էլ բարձր կգնահատվի:


Միացեք խոսակցությանը. Հաճախ է պատահում, որ մարդիկ արձագանքեն բրենդի տեղադրած նյութին, սակայն բրենդի կողմից ոչ մի պատասխան չստանան: Մի արհամարհեք ձեր լսարանի կարծիքները: Չէ՞ որ մի պատճառ կա, որ ցանցը սոցիալական է կոչվում: Երբ որևէ մեկը արձագանքում է, անպայման պետք է պատասխանել, անկախ նրանից, թե որքան զբաղված եք:


Հետևողական եղեք. Եթե սկսում եք օրական 3-4 նյութ տեղադրել, իսկ հետո, երբ շատ եք զբաղված, տեղադրել շաբաթը մեկ, դա կարող է վատ անդրադառնալ ձեր հեղինակության վրա: Հետևողականությունը կարևոր է: Եթե գտնում եք, որ երբ շատ զբաղված եք, միայն շաբաթական մեկ անգամ կարող եք լավ նյութ դնել, ապա թող հենց այդպես էլ լինի: Սակայն, այդ դեպքում անպայման շաբաթը մեկ պետք է նյութ տեղադրեք, առանց բացառության: Այդ դեպքում, մարդիկ կիմանան, որ իրենց ընտրած բրենդը վստահելի և հուսալի տեղեկության աղբյուր է:


Ներգրավեք, այլ ոչ թե միայն հեռարձակեք. Որոշ մարքեթինգի մասնագետներ սոցցանցերը դիտարկում են որպես լրատվամիջոցի մի տեսակ: Գրառումները տեղադրվում են ինչպես ՙՙպրես ռիլիզներն՚՚ են թողարկվում: Այսինքն, միայն տեղեկացնում են և ոչ մի ներգրավվածություն չեն ապահովում: Մինչդեռ հարկավոր է ոչ միայն հարցեր տալով դրդել ձեր լսարանին արձագանքել, այլ նաև ներգրավել նրանց ուրիշների սկսած խոսակցության մեջ, օրինակ, արձագանքել ուրիշների գրած դիտողություններին:


Հեղինակության կառավարում սոցցանցերի միջոցով

Չկա ավելի վատ բան, քան այն, երբ ձեր մարքեթինգի ու վաճառքի թիմերը իրենց ողջ ժամանակը նվիրում են ձեզ համար հնարավոր հաճախորդներ ձեռք բերելուն, իսկ ձեր օնլայն հեղինակությունը լավը չի լինում:


Սոցցանցերի մեծ մասը հեղինակության կառավարման գործիքներ առաջարկում են: Սակայն պետք չէ սպասել, մինչև խնդիր ունենաք, հետո նոր արձագանքեք (օրինակ, երբ մեկնումեկը վատ կարծիք գրի): Հենց սկզբից սկսեք կառավարել ձեր թվային հեղինակությունը: Դա դժվար չէ, ուղղակի հարկավոր է գործընթաց ունենալ և ճիշտ եղանակներ կիրառել մարդկանցից կարծիք խնդրելու համար: Իսկ սոցցանցերը կօգնեն ձեզ դրանում:


Լավ հեղինակություն չունենալու երկու հիմնական պատճառ կարող է լինել.


1. Ձեր ապրանքը կամ ծառայությունը լավը չէ, և մարդիկ գրում են դրա մասին. Այս դեպքում, ձեզ հարկավոր է բարելավել ձեր ապրանքը կամ ծառայությունը նախքան սոցցանցերում ներկայություն ունենալը. Այլ տարբերակ չկա:
2. Դուք չեք խնդրում, որ ձեր մասին կարծիք գրեն. Ուրեմն սկսեք խնդրել և հավաքել դրական կարծիքներ:


Դրական օնլայն հեղինակությունը կօգնի մեծացնել ձեզնից գնում կատարելու տոկոսը:


Նաև հիշեք հետևյալ ՙՙգաղտնիքը՚՚. Պարտադիր չէ, որ ձեր հեղինակությունը վատը լինի, որպեսզի դուք տանուլ տաք ՙՙթվային պայքարը՚՚: Եթե ձեր մրցակցի հեղինակությունը ավելի լավն է, քան ձերը, այդ խաղն արդեն տանուլ է տված: Նույնիսկ նախքան դուք կիմանաք դրա մասին:


Ահա մի քանի հուշում, թե ինչպես սկսել այս գործընթացը.


Ստեղծեք կարծիքներ խնդրելու գործընթաց և այնպես արեք, որ ձեր հաճախորդները տեղյակ լինեն դրա մասին:


Երբ հաճախորդից դրական կարծիք եք ստանում, տարածեք այն բոլոր սոցցանցերում: Օրինակ, վերցրեք LinkedIn-ում ստացած կարծիքները և տեղադրեք դրանք ձեր կայքում, բլոգում և Ֆեյսբուքի էջում, այնպես, որ առավելագույնը քաղեք ձեր թվային ներկայությունից:


Լավագույն կարծիքները վերածեք հոդված-հետազոտությունների (case studies) կամ վկայությունների և տեղադրեք ձեր կայքում, նշելով դրանք գրողների անունները:


Չմոռանաք շնորհակալություն հայտնել նրանց, ովքեր հրաշալի կարծիքներ են թողնում ձեր մասին: Իրականում, հարկավոր է ժամանակ տրամադրել բոլորին պատասխանելու համար: Կրկնվող հաճախորդները և նրանց լավ կարծիքները ձեր բիզնեսի համար կարևորագույն գործոն են:


Եթե օնլայն հեղինակության կառավարումը ձեր թվային մարքեթինգի այն կողմն է, որին դեռ չեք անդրադարձել, հենց հիմա սկսեք. որոնում իրականացրեք Գուգլում և տեսեք, թե ինչ են ասում մարդիկ ձեր բրենդի վերաբերյալ: Կարող եք սկսել հետևյալ արտայտությամբ որոնումից. "brand name reviews”: Դա ձեզ ցույց կտա, թե ուրիշներն ինչ կտեսնեն, երբ նմանատիպ որոնում տան: Այն ինչ կտեսնեք կա՛մ ձեզ կհուշի, որ որոշ բաներ մաքրելու աշխատանք պետք է անեք, կա՛մ կարող եք կենտրոնանալ այն հուշումների վրա, որոնց մասին վերևում խոսեցինք:


Ժամանակ խնայելու և հաջողությունը չափելու որոշ գործիքներ


Ձեր բիզնես նպատակներին սոցցանցերի միջոցով հասնելու շատ գործիքներ կան: Սկզբի համար, ահա դրանցից մի քանիսը.


Discover.ly. սա Գուգլ Chrome-ի հավելված է (extension), որն օգնում է տեսնել ձեր էլփոստի բազայում եղած մարդկանց սոցցանցերի հաշիվները և կապ հաստատել նրանց հետ տարբեր եղանակներով: Rapportive-ը մեկ այլ նմանատիպ հնարավորություն է:


 

Pocket: նախկինում կոչվում էր Read It Later, հավելված և վեբ ծառայություն ինտերնետում հոդվածների և տեսանյութերի ցուցակ ստեղծելու և կառավարելու համար. օգնում է արագ պահպանել առցանց ձեզ հանդիպած բովանդակությունը, որը դուք կարող եք տեղադրել հատուկ ստեղծած թղթապանակների մեջ՝ հետագայում օգտագործելու համար: Եթե ձեր աշխատանքը բովանդակության հետ է կապված, ապա այս ծրագիրը ձեր երազանքի ծրագիրն է: Դուք նշում եք, թեգ եք անում, տարբեր տեսակի բովանդակությունը և դասակարգում ըստ տեսակների՝ նկարներ, տեսանյութեր կամ հոդվածներ, տեղադրում համապատասխան թղթապանակների մեջ, հետագայում դրանց անդրադառնալու համար:


Feedly: Վստահելի աղբյուրներից բովանդակություն հավաքելու ևս մեկ գործիք: Բովանդակության աղբյուրները ձեր Feedly հաշվի մեջ հավաքելուց բացի, կարող եք դրանց նաև ավելացնել Twitter-ի ձեր ցուցակները, եթե այդպիսիք ստեղծել եք (ինչը ևս մեկ հրաշալի եղանակ է մեկ տեղում էքսպերտների կողմից գրված հոդվածներ հավաքելու համար) և այդպիսով թողարկել ձեր սեփական eNewspaper-ը ձեր ընտրած թեմայով:


Hootsuite: խոսելով Twitter-ի ցուցակների մասին, եթե ցանկանում եք առավելագույնը ստանալ ձեր քոնթենթ մարքեթինգի ջանքերից և նվազագույնի հասցնել ձեր օնլայն գույքի (կայքի կամ սոցցանցերի էջերի) կառավարման վրա ծախսվող ժամանակը, ապա Hootsuite-ում Twitter-ի ցուցակներ ավելացնելը պարտադիր է: Hootsuite-ը նաև սոցցանցերի էջերի կառավարման համակարգ է, որը կարող է օգնել ձեզ կառավարել բոլոր տեսակի սոցցանցերի գրառումները՝ մեկ տեղ հավաքելով դրանք՝ մեկ ծրագրի միջոցով:


Ի մի բերելով ամբողջը


Արդյո՞ք սոցցանցերը կօգնեն ձեզ հասնել ձեր բիզնես նպատակներին, սա այն հարցն է, որը պետք է ներառված լինի ձեր թվային մարքեթինգի ռազմավարության մեջ: Այսօրվա օնլայն աշխարհում, սոցցանցերով մարքեթինգն այն կրիտիկական բաղադրիչն է, որը պետք է ներառված լինի յուրաքանչյուրի թվային մարքեթինգում:


Շարունակական կրթության և օգտակար բովանդակություն ստեղծելու միջոցով ձեր հաճախորդների հետաքրքրությունները բավարարելն ու խնդիրներին լուծում առաջարկելը, ինչպես նաև հրաշալի սպասարկում ապահովելը այն մեծ նպատակն է, որն օգնում է ձեզ մոտ եկած անծանոթներին դառնալ ձեր բրենդի հավատարիմ հաճախորդներ: Այս ամենին հեշտ է հասնել, եթե դուք արդեն ստեղծել եք սոցցանցերի լուրջ ռազմավարություն:

Գովազդ | ընդհանուր հասկացությունները

Հրապարակել է: aav в Հոդվածներ - Չոր, 01 ապրիլի 2020


Գովազդ, մարքեթինգային հաղորդակցության ուղղվածություն, որի շրջանակներում իրականացվում է ինֆորմացիայի տարածում գովազդվող օբյեկտի նկատմամբ ուշադրություն գրավելու, հետաքրքրություն ստեղծելու կամ պահպանելու նպատակով

Պատմություն
Համարվում է, որ գովազդը մարդկային հասարակության մեջ ի հայտ է եկել առևտրի հետ միաժամանակ: Նախապատմական ժամանակաշրջաններում դրա գոյությունը հաստատվում է, օրինակ` եգիպտական պապիրուսների վրա ստրուկների վաճառքի մասին հայտարարություններով: Այդ ժամանակներում գովազդը ներկայացվում էր գրավոր կամ բանավոր հայտարարությունների տեսքով, որոնցում գովաբանվում էին որոշակի ապրանքներ կամ ծառայություններ: Բանավոր գովազդը տարածվել է գնորդներին կանչող տարբեր մարդկանց կողմից, իսկ գրավոր գովազդը` պապիրուսների, մոմե տախտակների, քարերի և շինությունների վրայի գրությունների միջոցով:
Գովազդը մեծ տարածում ստացավ զանգվածային հաղորդակցության դարաշրջանում: Դրանում մեծ դեր ունեցավ տպագրության զարգացումը: Գովազդային գործի նախաձեռնողներից են ֆրանսիացի բժիշկ և լրագրող Թեոֆրաստ Ռենոդոն, ով առաջինն սկսեց մամուլում հրատարակել մասնավոր հայտարարություններ, և անգլիացիՈւիլյամ Թեյլորը, ում «Tayler & Newton» ընկերությունը հանդես էր գալիս որպես միջնորդ գովազդատուի և տպարանի միջև:
Առաջին գովազդային գործակալությունը ստեղծել է Վոլնա Պալմերը 1842 թվականին ԱՄՆ-ում:
Գովազդի տարածմանը նպաստող մեկ այլ հանգամանք էր 19-րդ դարի կեսերին լուսանկարչության ստեղծումը և զարգացումը: Լուսանկարը հանդիսանում էր գովազդվող արտադրանքի առավելությունների անհերքելի ապացույց: Սակայն համաշխարհային գովազդային բիզնեսում էական փոփոխությունների ժամանակաշրջան է համարվում 20-րդ դարը, քանի որ հենց այդ ժամանակ գովազդի կազմակերպման և տեխնոլոգիաների ոլորտում տեղի ունեցան կտրուկ փոփոխություններ: 20-րդ դարում գովազդը դարձավ զանգվածային ի շնորհիվ համաշխարհային արդյունաբերական արտադրության զարգացման, ինչպես նաև գովազդի ստեղծման և տարածման ավելի կատարյալ միջոցների`պոլիգրաֆիայի, անալոգային և թվային ռադիոյի, թվային հեռուստատեսության, արբանյակային կապի, համակարգիչների և համացանցի: Հետ չմնալով գիտատեխնիկական առաջընթացի տեմպերից` գովազդը աստիճանաբար դառնում է ավելի կատարյալ և որակյալ:
Գործառույթներ
Ըստ Ուիլյամ Ուելսի` գովազդն իրականացնում է վեց հիմնական գործառույթ.
1. ապրանքների և բրենդների վերաբերյալ հանրության իրազեկվածության բարձրացում,
2. ապրանքի իմիջի ձևավորում,
3. մարդկանց համոզում ձեռք բերելու ապրանքը,
4. արտադրանքի նկատմամբ պահանջարկի խթանում,
5. ապրանքը ձեռք բերելու անհրաժեշտության գիտակցման ձևավորում,
6. գնումների նախկին փորձի ամրապնդում:
 
Նշանակություն ժամանակակից հասարակության կյանքում
- տնտեսական (շահույթի ձեռքբերում),
- սոցիալական (հասարակայնորեն նշանակալի նպատակների իրականացում),
- քաղաքական (հանրությանը ղեկավարելու համակարգի օրինապահության ձևավորում),
- գաղափարական (անձի աշխարհայացքի ձևավորում և զարգացում),
- հոգեբանական (ներգործություն գնորդի ցանկությունների և երազանքների վրա),
- կրթական (կյանքի տարբեր ոլորտների վերաբերյալ ինֆորմացիայի ստացում),
- գեղագիտական (մշակութային) - շատ գովազդներում ընտրվում են բարձրաճաշակ գույներ, երաժշտություն, ինչը դրական է անդրադառնում դիտողի վրա:
Տեսակներ
Ըստ նպատակի
- Առևտրային (տնտեսական) գովազդի նպատակը հանդիսանում է (հավանական) գնորդը, ում առաջարկելով ապրանքը` կարելի է ստանալ շահույթ:
- Սոցիալական գովազդ, որը դուրս է տնտեսական խնդիրների դաշտից և ուղղված է դեպի բարեգործական կամ հասարակայնորեն օգտակար այլ նպատակների իրականացմանը, այդ թվում` բնակչության շրջանում առողջ ապրելակերպի կարևորմանը, բնակչության անպաշտպան շերտերի պաշտպանությանը, շրջակա միջավայրի աղտոտման դեմ պայքարին: Այլ կերպ ասած` սոցիալական գովազդը նպատակ ունի օգնել մարդկանց, մասնավորապես` երեխաներին:
- Քաղաքական (նաև նախընտրական) գովազդը հանդես է գալիս որպես ընտրողների ձայնը շահելու միջոց:
Կան նաև գովազդի յուրահատուկ տեսակներ.
- Կոնտրգովազդ (ռուս.՝ Контрреклама), որը հերքում է անբարեխիղճ գովազդը:
- Հակագովազդ (ռուս.՝ Антиреклама), որը կոչված է ոչ թե բարձրացնել, այլ նվազեցնել ինչ-որ ապրանքի նկատմամբ մարդկանց հետաքրքրությունը կամ որակազրկել որոշ ապրանքներ, ապրանքանիշներ:
- «Specs spots», սրանք գովազդային տեսահոլովակներ են, որոնք նկարահանում են առանձին անհատներ, սակայն հանդիսատեսի կողմից ընկալվում են որպես պաշտոնական գովազդ:

Ըստ տեղադրման վայրի և եղանակի

Մարքեթինգային հաղորդակցության մեջ առանձնացնում են ATL և BTL բաղադրիչներ: ATL գովազդի մեջ մտնում են գովազդի ավանդական տեսակները` ԶԼՄ-ներով գովազդը, արտաքին և ներքին, պոլիգրաֆիական գովազդը: Գովազդի մնացած տարբերակները մտնում են BTL հաղորդակցման մեջ:
Գովազդ ԶԼՄ-ներով
Գովազդի առավել տարածված և ավանդական տեսակը համարվում է ԶԼՄ-ներով տարածվող գովազդը.
- հեռուստատեսային (տեսահոլովակ գովազդային բլոգում, գովազդային դադար, հաղորդագրություն վազող տողում, հեռուստատեսային հայտարարություն), վիրտուալ գովազդ,
- ռադիոգովազդ,
- տպագիր (կարող է լինել մամուլում կամ այլ տեսքով` թերթիկներ, կպչուն թղթեր, այցեքարտեր),
- համացանցային գովազդ:
Արտաքին (outdoor-գովազդ)
Այն տեղակայվում է բաց տարածությունում գտնվող հատուկ ժամանակավոր և/կամ մշտական կառույցների վրա, ինչպես նաև շինությունների արտաքին մակերեսներին, փողոցային սարքավորումների, մայթերի վրա, ավտոլցակայաններում:
Արտաքին գովազդը կարող է տեղադրվել ինչպես փողոցում, այնպես էլ տրանսպորտի տարբեր տեսակների վրա:
Ներքին (Indoor-գովազդ)
Ներքին գովազդը տեղադրվում է հաստատությունների ներսում, մասնավորապես առևտրի կենտրոններում, օդանավակայաններում, կայարաններում, կինոթատրոններում, բիզնես կենտրոններում, մուտքերում, վերելակներում, սպորտի և ժամանցի վայրերում, կրթական և բժշկական հաստատություններում և այլ վայրերում:
Գովազդային արդյունաբերություն
Ներկայումս գովազդի զարգացումը հանգեցրել է նրան, որ գովազդային գործունեությունը վերափոխվել է սոցիալական յուրահատուկ ինստիտուտի, որը գովազդային ծառայությունների միջոցով ապահովում է հանրային պահանջմունքը: Այդ ինստիտուտի արտադրական հիմքը կազմում է գործունեությունների համալիրը, որն ընդունված է անվանել «գովազդային արդյունաբերություն»[9]: Այդ հասկացությունն ի հայտ է եկել ժամանակակից տնտեսագիտության մեջ` պայմանավորված գովազդային գործունեության` զանգվածային բնույթ ձեռք բերելով: Գովազդային գործունեության պլանաչափ իրականացումը, գովազդային շուկայի սուբյեկտների և տնտեսության տարբեր բաժինների համակարգային փոխգործունեությունը, գովազդային արտադրանքներ ստեղծող ընկերությունների առկայությունը թույլ են տալիս առաջ քաշել այն միտքը, որ գովազդային գործունեությունը ձեռք է բերել արդյունաբերական հատկանիշներ:
Կարգավորում
Գովազդում անխուսափելիորեն բախվում են տարատեսակ ֆինանսական և քաղաքական շահեր: Գնորդը ձգտում է հասնել գովազդների քանակի նվազեցմանը, իսկ գովազդատուն, ընդհակառակը, ձգտում է ոչ միայն ընդլայնել գովազդի քանակը, այլև մեծացնել լսարանը: Հնարավոր են նաև փոխզիջումային տարբերակներ[10]:
Հանրության հետաքրքրությունները, ընդհանուր առմամբ, պահանջում են սպառողին հեռու պահել կեղծ և ոչ հավաստի գովազդից: Միաժամանակ այդ նույն հետաքրքրությունները թելադրում են խթանել վաճառքը, որի հիմնական միջոցը համարվում է գովազդը: Այդ շահերի հակասությունը պահանջում է խնդրի մանրամասն վերլուծություն և կարգավորում: Գովազդային օրենսդրությունը բոլոր երկրներում ուղղված է վերոնշյալ հետաքրքրությունների փոխզիջմանը:
Օրենսդրական սահմանափակումներ
Սովորաբար գովազդը սահմանափակվում է ըստ ներկայացման ծավալի, միջոցի, վայրի և ժամանակի, արգելք է դրվում կեղծ, ոչ հավաստի, էթիկապես անընդունելի, ոչ պատշաճ գովազդի վրա: Երբեմն գովազդ արտադրողների և տարածողների գործունեությունը լիցենզավորվում է:
Առանձին ապրանքների գովազդ
Շատ երկրներում օրենսդրությունն արգելում է առանձին ապրանքների (ալկոհոլային խմիչքներ, ծխախոտ) գովազդը առանց այն գրության նախազգուշացման, որ տվյալ ապրանքները վնասակար են առողջության համար:
Թաքնված գովազդ
Թաքնված է համարվում այն գովազդը, որը չի նշվում որպես այդպիսին, տեղադրվում է տեղեկատվական, խմբագրական կամ հեղինակային նյութի տեսքով, պարունակում էսպամ կամ այլ ոչ գովազդային տեղեկատվություն: Լայն տարածում ունի թաքնված գովազդի տեխնոլոգիան, որը ներգործում է ենթագիտակցական մակարդակում (25-րդ կադր և այլ տարբերակներ):
Շատ երկրներում թաքնված գովազդը արգելված է, սակայն դրա սահմանումը բարդ է, և պատժի պրակտիկան հայտնի չէ:

Փաստարկներ
Կողմ
Որպես ամբողջական մարքեթինգային հաղորդակցության մաս` ընդլայնում է ձեռնարկության արդյունավետությունը:Գովազդը, որպես մարքեթինգային համալիրի բաղադրիչ, կարող է օժանդակել զանգվածային սպառմանը, որն իր հերթին զանգվածային արտադրության պարտադիր պայման է հանդիսանում: Շարունակական և անդադար զանգվածային արտադրությունը նվազեցնում է արտադրական միավորի ինքնարժեքը, ինչը, վերջին հաշվով, ապահովում է սպառողական ավելի ցածր գներ: Այդ կերպ գովազդը հանդես է գալիս որպես գնային մակարդակի նվազեցման անհրաժեշտ գործոն[11]:
Հնարավոր է դառնում ստանալ հետադարձ կապ կողմնորոշվածությունից դեպի վաճառքի համապատասխան բաժին` հասնելով բիզնեսի անընդհատության և եկամտաբերության:

Լինելով ամբողջական մարքեթինգային հաղորդակցության բաղադրիչ` գովազդը նպաստում է ժամանակակից տեխնոլոգիաների զարգացմանը, տեխնոլոգիական առաջընթացին, նպաստում գովազդվող արտադրանքի պահանջարկի բարձրացմանը` այդ կերպ խթանելով տնտեսական աճը, ձեռնարկատիրական ակտիվությունը և բարձրացնելով կենսամակարդակը:
Դեմ
Էթիկական և իրավական տեսանկյունից.Գովազդը սպառողին պարտադրում է այնպիսի ապրանքներ և ծառայություններ, որոնց կարիքը չկա:
Պարտադրում է արժեքներ, որոնք ուղղված են գովազդվող ապրանքի դրական գնահատմանը:
Գովազդ դիտելը սպառողի կողմից մեծ մասամբ ցանկալի և կամավոր չէ:
Ելնելով վերոնշյալ կետերից` գովազդը հանդիսանում է անձի կամքի վրա գաղտնի բռնանալու գործիք:
Որոշ դեպքերում գովազդի արդյունավետությունը ձեռք է բերվում ի հաշիվ մարդկային բնազդների ակտիվ շահագործման:
Բացասաբար է անդրադառնում անձի գիտակցության և ենթագիտակցության վրա:
Հրապարակախոս Սերգեյ Կարա-Մուրզան իր «Գիտակցության մանիպուլյացիա» (ռուս.՝ «Манипуляция сознанием») գրքում ժամանակակից գովազդը դիտարկում է որպես հասարակությանը մանիպուլյացիայի ենթարկելու առաջնային քայլ:
Տնտեսական տեսանկյունից.Շատացնում է ծախսերը (գովազդի ծախսերը ներառվում են ապրանքի գնի մեջ)` առաջացնելով սպառողական գնաճ:
Հանգեցնում է շուկայի մոնոպոլիզացիայի: Փոքր ձեռնարկությունները մեծերի համեմատ չեն կարողանում իրենց արտադրանքի համար ապահովել գովազդային օժանդակություն: Անգամ մոտեցում կա, ըստ որի`ընկերության գովազդային ակտիվության խնդիրը ոչ թե սեփական եկամտի աճն է, այլ «գովազդային պատնեշի» ստեղծումը, որը կխոչընդոտի շուկայում նոր մրցակիցների ի հայտ գալուն:

Հայաստանում գովազդի համար զանգահարել ՝ +37491 750075 
Մանրամասն քննարկումների ու վերլուծությունների արդյունքում մենք կհասկանանք՝ կոնկրետ ինչ է հարկավոր ձեր ընկերությանը, ու վստա՛հ եղեք, կտանք լավագույն լուծումները: Մեր ծառայություններին ծանոթանալու համար կարող եք զանգահարել 091 75 00 75 հեռախոսահամարով: 

ԱՐԽԻՎ

«    ապրիլի 2020    »
ԵրկերքՉորՀնգՈւրբՇբԿր
 12345
6789101112
13141516171819
20212223242526
27282930 

Հիմա կայքում

Նոր առաջարկներ